Një aksident është regjistruar mbrëmjen e sotme në Sukth të Durrësit, teksa tre persona kanë mbetur të plagosur.
Ngjarja ka ndodhur rreth orës 19:30, teksa një mjet me drejtuese shtetasen L.H., është përplasur me një mjet tip “Volkswagen”, me drejtues shtetasin F.B.
Për shkak të përplasjes mjeti tip “Volkswagen”, ka rrëshqitur në shtratin e lumit Erzen e për pasojë janë lënduar 3 shtetas.
Bëhet me dije se tre të lënduarit janë dërguar në spital, ku po marrin trajtimin e duhur shëndetësor. Ndërkohë, policia po punon për zbardhjen e shkakut të aksidentit.
