Një aksident i trefishtë ka ndodhur në aksin Lezhë-Milot, ku për pasojë kanë mbetur të plagosur dy gra. Policia njofton se në këtë aksident që ka ndodhur në orët e para të ditës, janë përfshirë mjetet me drejtues shtetasit J.K., banues në Maqedoni, I.B., banues në Kosovë dhe K.M., banues në Lezhë. Dy shtetase kanë marrë dëmtime të lehta. Sakaq, drejtuesit e mjeteve janë shoqëruar në Komisariatin e Policisë Lezhë, për veprime të mëtejshme.
Informacion paraprak
Në aksin rrugor Lezhë-Milot, në afërsi të një karburanti janë përfshirë në aksident rrugor mjetet me drejtues shtetasit J.K.,banues në Maqedoni, I.B.,banues në Kosovë dhe K.M., banues në Lezhë. Kanë marrë dëmtime të lehta shtetaset S.B. dhe H.M.,të cilat ishin pasagjere në këto mjete. Drejtuesit e mjeteve janë shoqëruar në Komisariatin e Policisë Lezhë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
