Një aksident i rëndë ka ndodhur mbrëmjen e sotme në aksin e vjetër Vlorë-Fier, në fshatin Cerkovinë.
Si pasojë e aksidentit ka humbur jetë një 25-vjeçare e identifikuar me inicalet, S.Ç. Automjeti është përmbysur dhe trupi i viktimës është hedhur rreth 300 metra larg makinës
Mësohet se e përfshirë në aksident është edhe 22-vjeçarja identifikuar me inicialet, S.M e cila ndodhet në gjendje të rendë.
Grupi hetimor ndodhet në vendin e ngjarjes dhe po mundohet të zbardhë dinamikën aksidentit.
