Një aksident i rëndë ka ndodhur ditën e sotme në Vlorë, teksa 4 makina janë përplasur me njëra-tjetrën.
Ngjarja raportohet të ketë ndodhur në rrugën e Pyllit të Sodës, ndërsa 3 persona kanë mbetur të plagosur. Bëhet me dije se 3 automjete kanë qenë duke kaluar në drejtime të ndryshme, ndërsa makina e katërt ka qenë e parkuar.
Një prej personave të përfshirë në aksident mori, i cili mori edhe dëmtimet më të mëdha u transportua menjëherë në spital. Të lënduara kanë mbetur edhe 2 vajza të cilat ndodheshin në automjetin tjetër. Të tre shtetasit janë jashtë rrezikut për jetën, teksa ende po hetohen shkaqet që çuan në këtë aksident.
