Një aksident i rëndë më pasojë vdekjen e një 9-vjeçari ka ndodhur ditën e sotme në Tropojë.
Dy makina janë përplasur me njëra-tjetrën në aksin rrugor Bajram Curr- Sopot. Mësohet se 9-vjeçari me iniciale E.Ç ka humbur jetën rrugës për në spital.
Ndërkohë, të plagosur kanë mbetur drejtuesit e automjeteve B.Ç. dhe Z.M., si dhe pasagjerët A.Ç., A.Ç., H.L.
“Më datë 21.07.2019, në aksin rrugor Bajram- Curri – Sopot, në vendin e quajtur Cerrnicë, janë përplasur mjeti tip “Benz”, me drejtues shtetasin B.Ç., banues në Tropojë, me mjetin tip “Toyota”, me drejtues shtetasin Z.M”, thuhet ndër të tjera në njoftimin e policisë.
Grupi hetimor ndodhet në vendin e ngjarjes, ku po punon për përcaktimin e shkaqeve të aksidentit.
