Një aksident i rëndë është shënuar pasditen e sotme në Rrogozhinë, si pasojë e të cilit ka humbur jetën një person.
Sipas informacioneve të para, aksidenti dyshohet të ketë ardhur si pasojë e një parakalimi të gabuar. Gjatë parakalimit makina ka devijuar nga aksi rrugor dhe është përplasur me trafikndarësen.
Nuk dihet ende identiteti i viktimës teksa policia po heton për zbardhjen e plotë të ngjarjes.
Njoftimi i policisë:
Kavajë/Informacion Paraprak.
Rreth orës 17:05 në aksin rrugor Rrogozhinë- Kavajë automjeti me drejtues shtetasin O. L., 22 vjeç, si shkak i një parakalimi të gabuar ka devijuar nga aksi rrugor duke u përplasur me trafikndarësen.
Si pasojë e daljes nga rruga, ka ndërruar jetë drejtuesi i automjetit shtetasi O. L.
Grupi hetimor ndodhet në vendngjarje, ku vijon punën për sqarimin e rrethanave të ngjarjes dhe shkakut të aksidentit.
