Një tragjedi ka ndodhur në Itali. Raportohet se një aksident hekurudhor ka ndodhur në Lodi afër Casal Pusterlengo. Sipas medias fqinje, një tren i shpejtësisë së lartë ka dalë nga shinat, duke shkaktuar 30 të plagosur dhe të paktën 2 të vdekur.
Nga shpejtësia kanë dalë jashtë shinave dy vagonët e parë si dhe lokomotiva. Treni ishte nisur nga Bolonja në drejtim të Milanos.
Ngjarja ka ndodhur sot rreth orës 5:30 të mëngjesit. I vdekur në vendngjarje është gjetur një prej mashinistëve, ndërkohë mashinisti tjetër rezulton i zhdukur.
Zjarrfikësit dhe forca të shumta policie kanë shkuar në vendin e ngjarjes ku po mundohen të tërheqin trenin dhe t zhbllokojnë rrugën.
