Pesë persona kanë mbetur të plagosur nga një aksident i ndodhur mëngjesin e ditës së sotme. Ngjarja ka ndodhur në “Urën e Gajdarit” në Finiq, teksa dy automjete të tipit “Benz Mercedes”, në pronësi të shtetasve E.V dhe P.D janë përplasur.
Të lënduar kanë mbetur dy drejtuesit e makinave dhe tre pasagjerë, ndërsa janë dërguar për ndihmë mjekësore në Spitalin e Sarandës. Mësohet se ndodhen jashtë rrezikut për jetën.
Ndërkohë, policia po punon për zbardhjen e shkaqeve të aksidentit.
