Një aksident automobilistik ka ndodhur në mesditën e sotme në aksin Elbasan-Bradashesh. Sipas informacioneve paraprake, mësohet se dy automjete janë përplasur kokë më kokë me njëra-tjetrën, ku si shkak dyshohet shpejtësia e lartë.
Si pasojë e përplasjes, kanë mbetur dy persona të plagosur, midis tyre një 15-vjeçare e cila raportohet se ndodhet në gjendje të rëndë.
Policia ende nuk ka dhënë informacion zyrtar për ngjarjen e rëndë, teksa ambulanca ndodhet në vendgjarje.
