Një aksident i rëndë është shënuar në mesnatë në aksin rrugor Elbasan-Peqin, teksa një person ka humbur jetën.
Një makinë ka dalë nga rruga duke përfunduar në lumin Shkumbin. Drejtuesi i mjetit me inicialet S.S., 35 vjeç, banues në Elbasan ka ndërruar jetë pasi nuk ka mundur të dalë nga automjeti.
Shërbimit zjarrfikës i është dashur të punojnë rreth 30 minuta në thellësinë e rrjedhës së Shkumbinit për nxjerrjen e trupit të pajetë të drejtuesit të automjetit.
Zjarrfikësit kanë sharruar pjesë të ndryshme të automjetit për të nxjerrë viktimën jashtë. Ndërkohë policia po vijon punën për zbardhjen e plotë të ngjarjes.
