Një aksident me pasojë jetën ka ndodhur në aksin rrugor Bilisht-Miras. Policia bën me dije se aksidenti është shënuar në afërsi të fshatit Ponçarë, ku shtetasi S.H., rreth 43 vjeç, duke drejtuar një mjet tip motor ka përplasur shtetasin T. S., rreth 72 vjeç, këmbësor në rrugë.
I moshuari ka gjetur vdekjen e menjëhershme.
Drejtuesi i mjetit, është shoqëruar në Komisariatin e Bilishtit për veprime të mëtejshme.
Grupi hetimor po punon për të sqaruar rrethanat e ngjarjes, dhe përcaktuar shkaqet e aksidentit.
