Një aksident është shënuar ditën e sotme në qytetin e Durrësit, e për pasojë një këmbësor ka humbur jetën. Viktima është rreth 40 vjeç, ende i paidentifikuar, ndërsa mësohet se ka gjetur vdekjen pasi është përplasur nga një automjet.
Ngjarja ka ndodhur pak minuta më parë në lagjen numër 15 të qytetit.
Ndërkohë, Policia ndodhet në vendngjarje dhe ka nisur hetimet për zbardhjen e shkaqeve.
