Ka nisur sfida për ndeshjen testuese të stadiumit Arena Kombëtare. Ndeshja e cila zhvillohet në prag të sfidës inauguruese mes Shqipërisë dhe Francës, po luhet mes vajzave të Apolonisë dhe atyre të Vllaznisë.
UEFA ka kërkuar që për këtë ndeshje të shpërndahen 10 mijë bileta për të bërë një testim ashtu siç duhet. Ky takim ishte në program të dielën e kaluar, por u shty për shkak se u bë rimbiellja e barit të fushës për stinën e dimrit.
Ndërkohë, për të ndjekur sfidën e sotme të pranishëm do të jetë edhe disa inspektorë të UEFA-s, të cilët do të bëjnë ‘kualidimin’ përfundimtar të stadiumit.
Kujtojmë se ndeshja Shqipëri-Francë e vlefshme për ‘Euro2020’, do të luhet më 17 nëntor në stadiumin “Air Albania”.
