Ministri Arben Ahmetaj mbrëmjen e sotme në emisionin “Opinion” dha lajmin e mirë për naftëtarët e Ballshit.
I pyetur nëse do të ketë ndihmë nga shteti për naftëtarët e Ballshit të cilët edhe para krizës së koronavirusit kanë patur probleme me pagat për një periudhë të gjatë, Ahmetaj u përgjigj:
“Sot kemi hartuar një vendim që bëhet nesër aktiv për pagë lufte për naftëtarët e Ballshit. Do të marrin 40 mijë lekshin (të reja).
Brenda të njëjtit vendim është një kategori e të gjithë familjeve që kanë aplikuar për ndihmë ekonomike, por që nuk janë pranuar dhe ato që kanë hyrë dhe kanë dalë.
Tani kësaj kategorie do t’i jepet një pagë, dyfishi i ndihmës ekonomike, 160 mijë lekë të vjetra”.
