Manchester City ka kaluar me lehtësi kundërshtarin e radhës në Premier League, Newcastle me rezultatin 3-1. Një reagim mjaft i mirë nga qytetarët tëcilët vini nga një humbje, humbja e parë në kampionat që ua shkaktoi Liverpool. Dominimi ishte mjaft i lartë nga skuadra e Guardiolas, ku mbajtën në zotërin 85% të kohës topin.
Edhe pse Rafa Benitez tentoi të “shpikë” diçka të re, duke përdorur një formacion 6-3-1, nuk arriti ta ndalte për shumë kohë dominimin e Cityzen. Goli i parë erdhi përpara pushimit dhe akoma nuk është vendosur se kush e ka shënuar, De Bruyne që krosoi topin apo Aguero që mund ta ketë devijuar me flokë.
Gjithsesi, faqja zyrtare e Premier League sugjerun se ka qenë Aguero shënuesi. Pas pushimit ishte sërish Aguero ai që me anë të një penalltie të fituar nga Sterling arrin të dyfishojë rezultatin. Por menjëherë pas golit të dytë erdhi kundërpërgjigja e Newcastle në një nga aksionet e rralla në sulm dhe Murphy i jep shpresë miqve.
Gjithsesi City kundërpërgjigjet sërish me Aguero-n në fund por e gjithë merita ishte Sane i cili dribloi katër kundërshtarë përpara se t’ia bënte shumë të thjeshtë sulmuesit argjentinas. City ruan distancën me ndjekësit.
