Kryetari i Partisë Agrare Ambientaliste, Agron Duka, mbështet presidentin Ilir Meta për mundësinë e shpërndarjes së Parlamentit, ndërsa ka theksuar se ai është një vendim i vështirë.
Teksa ishte i ftuar në “RTV Ora”, Duka u shpreh se moralisht ai mbështet vendimin për shpërndarjen e Parlamentit, por sipas tij ligjërisht ky vendim i takon Presidentit.
“Unë nuk e di, sepse nuk jam unë që vendos, por është institucioni i Presidentit. Të shprehem unë sot që jam dakord apo nuk jam dakord me shpërndarjen e Parlamentit është një barrë e rëndë për kaq formim sa kam unë.
Mendoj që presidenti do ta marrë me shumë kujdes për të marrë një vendim që i takon apo jo presidenti. Është ai që e vendos. Një gjë mund të them, që ky nuk është një parlament normal. Një parlament i cunguar me 122 anëtarë.
Nga ana tjetër, pavarësisht se mund të ketë elementë që bëjnë opozitë reale, për këtë të jemi realist, por shumica e këtyre njerëzve janë konfirmuar me pozitën dhe pothuajse kemi një parlament monopartiak. Moralisht do të isha dakord, ligjërisht nuk jam unë që e vlerësoj”, tha Agron Duka.
Shpërndarja e Parlamentit nga Meta? Ish-ministri sqaron në ç’rrethana ndodh
