SHBA-të në Afganistan kanë harxhuar gjithsej 800 miliardë dollarë duke mbështetur qeverinë afgane me forcë ushtarake për plot 16 vjet në luftën kundër Al-Kaedës dhe Talebanëve. Në këtë mjedis gjatë gjithë kohës janë gjendur deri në 100. 000 ushtarë amerikanë dhe janë martirizuar rreth 2000 prej tyre. Por pavarësisht këtyre përpjekjeve paqja në Afganistan ende nuk ka mbërritur. Madje, ndonjëherë punët kanë shkuar edhe për keq! Tani në Afganistan ndodhen rreth 8400 ushtarë amerikanë. Komandantët ushtarakë amerikanë kërkojnë akoma dhe 5000 ushtarë të tjerë për të rritur numrin e operacioneve ushtarake në luftën kundër Talebanëve dhe grupeve të tjera. Të shtosh akoma edhe 5000 ushtarë të tjerë do të thotë të rrisësh me deri 60 për qind forcën ushtarake. Por, kjo rritje ushtarake për çfarë do të shërbejë?
Kur Barack Obama la detyrën, tha që i jemi afruar zgjidhjes së problemit! Por, çfarë mund të bëjnë 13-14 mijë ushtarë, kur 100. 000 mijë të tjerë nuk mundën të fitonin me Talebanët? Kërkesën e komandantëve të ushtrisë amerikane në Afganistan ia kanë përcjellë presidentit Donald Trump, por sipas asaj, që “Neë York Times” ka sjellë në rend të ditës del që Trump nuk ka thënë akoma asgjë dhe nuk ka marrë asnjë vendim. Buxheti mujor i shpenzimeve të SHBA në Afganistan është 3.1 miliard dollarë dhe pavarësisht forcës ushtarake amerikane që është zvogëluar ndjeshëm, kostoja vjetore kap shifrën e 37.2 miliardë dollarëve. Shtëpia e Bardhë, sipas analizës së “Neë York Times” ende nuk ka dalë me një vendim në lidhje me Afganistanin.
Sipas një këndvështrimi ushtarak, ushtarët afganë duhen trajnuar mjaft mirë nga ushtarët amerikanë që edhe ushtarët amerikanë dhe ata afganë të mund të jenë mjaft të efektshëm në frontet përballë Talebanëve. Dhe në anën tjetër, ka mendime që sado trajnime ushtarake t’u bëhen ushtarëve afganë, ata përsëri nuk do të jenë të aftë të arrijnë një nivel të kënaqshëm ushtarak. Ëashingtoni prej kohësh ka arritur në konkluzionin që nuk është dhe aq e lehtë të mundësh Talebanët me forcë ushtarake. Në fakt është e qartë se çfarë do të ndodhë në përfundim. Duket sikur nuk do të ketë zgjidhje tjetër përveç arritjes së një marrëveshjeje mes qeverisë afgane dhe Talebanëve. Faktorët në Kabul të Afganistanit janë duke menduar që paqja mund të arrihet, nëse forcat ushtarake Talebane i binden paqes dhe zbatojnë marrëveshjen. Nëse gjeneralët e Trump-it thonë të mos heqim dorë nga ndërhyrjet ushtarake, atëherë Talebanët mund të shtyjnë procesin e paqes. Se çfarë do të ndodhë mbetet për të parë, por edhe nëse arrihet marrëveshja e paqes, realizimi i saj kryesisht merr shumë kohë.
Gazeta Aksham/Deniz Gokçe Këtu mund të lexoni shkrimin në origjinal
Përshtati nga turqishtja redaksia e Tirana Today
