Afganistani është prodhuesi kryesor i opiumit në botë. Lulëkuqet e opiumit, prodhojnë më shumë se 90 për qind të heroinës në të gjithë botën.
Sasia e tokës së mbjellë me opium, është shumë më e madhe se ajo në Amerikën Latine. Nga shitja e tij fitohen çdo vit rreth 4 miliardë dollarë, shumë që përbën shumën e PBB-së së vendit të varfër.
Vetëm 1 miliardë shkon për fermerët, pjesa tjetër për zyrtarët e shtetit, rebelët, talebanët dhe trafikantët e drogës.
Prodhimi i opiumit siguron mbi 400 mijë vende pune, ndërsa në të janë të angazhuar indirekt 3.3 milionë njerëz.
Afganistani e nisi prodhimin e opiumit në sasi të mëdha në mesin e viteve 1950, për të furnizuar Iranin, kur atje u ndalua kultivimi i opiumit.
Ky vend mbetet furnizuesi kryesor i Evropës me heroinë. Ajo hyn në kontinent nga “rruga ballkanike” përmes Turqisë, dhe nga “rruga veriore” përmes Azisë Qendrore dhe Rusisë. Miliona njerëz janë të ndërvarur nga kjo drogë në botë, dhe dhjetëra mijëra prej tyre vdesin çdo vit nga mbidoza.
TIRANA TODAY
