Gjykata e Posaçme kundër Krimit dhe Korrupsionit, ka vendosur që ish-ministri Lefter Koka të kurohet si çdo qytetar i Shqipërisë. Togat e zeza të GJKKO-së kanë thënë se Kokës do ti garantohen të gjitha të drejtat, përfshirë edhe përkujdesin shëndetësor.
Gjykata e Posaçme ka rrëzuar kërkesën për ndryshim të masës për Lefter Kokën. Gjykata i jep të drejtë Kokës që të kryejë vizita mjekësore jo vetëm në ambientet e paraburgimit, në QSUT dhe në qendra të posaçme.
Gjyqtari Erion Bani, vendosi mos pranimin e kërkesës së mbrojtjes së Kokës, në lidhje me inceneratorin e Elbasanit, pavarësisht se avokatët paraqitën ekspertizën e mjekëve që theksonin gjendjen delikate shëndetësore të ish-ministrit të Mjedisit.
Gjykata i jep të drejtë Lefter Kokës që jo vetëm të kryejë vizita në ambientetet e paraburgimit, por edhe në qendrën spitalore universitare si dhe në qendra të tjera të posaçme.
Lefter Koka është me dy masa sigurie “arrest në burg” për dy inceneratorë, atë të Elbasanit dhe të Fierit. Aktualisht, në pritje të përfundimit të hetimeve, është në paraburgimin e Durrësit, në të njëjtën dhomë më Alqi Bllakon, ish-deputetin e PS, i cili akuzohet po ashtu për të dy inceneratorët.
