Deputeti demokrat Gazment Bardhi shkoi në SPAK në cilësinë e kallëzuesit të aferës së inceneratorëve në emër të Partisë Demokratike. Ai u thirr në SPAK për të dhënë sqarime si person që ka dijeni për rrethanat e çështjes.
Në një komunikim për mediat pasi ka dalë nga ambientet e SPAK, ai u shpreh: “Sot isha si kallëzues për inceneratorin e Elbasanit, që mesa duket është duke përparuar në hetime.
Kam konfirmuar kallëzimin e bërë në emër të PD-së dhe inkurajoj SPAK-un për të çuar para përgjegjësisë përgjegjësit”,
Inceneratori i Tiranës?
“Jemi në dijeni që deri tani nuk ka zhvillim sa i përket inceneratorit të Tiranës. SPAK do të duhet të na kthejë mbrapsht besimin. Qytetarët presin edhe për afera të tjera korruptive”.
Keni denoncuar zyrtarë të lartë?
“Kam kërkuar të merren në cilësinë e provës edhe materialet për inceneratorët. Ka pasur një shtesë në PD dhe kam kërkuar që edhe materialet të jenë pjesë e dosjes hetimore. Persona e kallëzuar fillojnë nga kryeministri e deri tek nënpunësit që janë persona përgjegjës të komisioneve në koncensione”.
