Kreu i Partisë Demokratike, Lulzim Basha, vijon turin e takimeve me qytetarët. Pasditen e sotme është ndalur në Kurbin, ndërsa tha se pushtetit të krimit po i vjen fundi. Para mbështetësve, kryedemokrati u shpreh se ora e fitores po troket.
Basha shtoi më tej se projekti i rrugës Milot-Balldren nuk do të bëhet, ndërsa kërcënoi kryeministrin Rama dhe ministren Balluku se i pret burgu.
“Hajdutëri të tillë ka vetëm në ato vende ku populli ka ulur kokën. Por ne nuk jemi të tillë. Dua ti them ANK dhe atyre që fshihen pas saj: Mos guxo të hidhni asnjë metër, dhe se dheu do e mbulojë këtë kontratë.
Zotohem para kurbinasve dhe Kishës së Laçit se Rama dhe Balluku do të shkojnë para drejtësisë. Ju presin prangat. Thirrini mendjes se do t’ju konfiskojmë çdo qindarkë. Do t’ju trajtojmë si bandë kriminale, se nuk i lini mangut krimit të organizuar me këtë vjedhje. Tërhiquni!”, deklaroi Basha.
