Hong Kongu do të ndalojë pasagjerët tranzit nga shumica e vendeve për një muaj, duke filluar nga e diela, njoftoi të enjten Autoriteti i Aeroportit të Hong Kongut.
Çdokush që qëndron në një “vend me rrezik të lartë” në 21 ditët e fundit, nuk do të lejohet të përdorë Aeroportin Ndërkombëtar të Hong Kongut si pikë tranziti, njoftoi Autoriteti i Aeroportit.
Hong Kongu ka klasifikuar çdo vend jashtë Kinës kontinentale ose Tajvanit me variantin e koronavirusit Omicron, si një “vend me rrezik të lartë” – që do të thotë se shumica e pasagjerëve do të preken nga masat e reja.
Autoriteti i aeroportit tha se masa ishte “në përgjigje të numrit në rritje të rasteve të Omicron në mbarë botën”.
Transportuesi kryesor i Hong Kongut, Cathay Pacific, tha gjithashtu në një njoftim për shtyp të enjten se të gjithë pasagjerët që nisin udhëtimin e tyre nga jashtë territorit të Kinës ose Tajvanit, nuk do të lejohen të përdorin Hong Kongun si një periudhë tranziti gjatë kësaj kohe.
Burimi i lajmit: CNN. Pershtatur nga Tirana Today
