Komisioni i Ankesave dhe Sanksioneve (KAS) gjatë zhvillimit të mbledhjes së rradhës ditën e sotme, hapi disa kuti me materialet zgjedhore për qarkun e Beratit, pas ankimimit të Lëvizjes Socialiste për Integrim.
Për shkak të sasisë së materialeve zgjedhore dhe mungesës së raportit të Pajisjes së Idnetifikimit Biometrik (PEI), në kutinë nr 3446, KAS e ka shtyre dhënien e vendimit për ditën e mërkurë, më 19 maj.
Ndërkohë, u bë e ditur se ditën e nesërme, më 18 maj do të zhvillohet seanca e rradhës për qarkune Gjirokastrës dhe Vlorës, ku do të vijohet edhe me konkluzionet përfundimtare.
“Përgjigja përfundimtare për kutitë me materiale zgjedhore shtyhet për të mërkurën në mëngjes. Ndërsa ditën e nesërmes KAS do të mblidhet për të diskutuar për kërkesën ankimore të Gjirokastrës dhe Vlorës. KAS nesër në orën 10:00 do të vijojë seancën për Gjirokastrës dhe për konkluzionet përfundimtare.”, tha anëtari i KAS, Elvis Çela.
Zgjedhjet parlamentare të 25 prillit u fituan nga Partia Socialiste, e cila siguroi 74 mandate dhe do të qeverisë sërish e vetme për 4 vitet që vijnë.
Por, zgjedhjet nuk janë njohur nga opozita, konkretisht nga Partia Demorkatike e cila mori 59 mandate, dhe Lëvizja Socialiste për Integrim, e cila siguroi 4 mandate.
Të dyja partitë kanë bërë ankimimet e tyra në KAS, teksa Partia Demorkatike depozitoi disa ditë më parë, prova sipas së cilës faktojnë atë që ajo e quan masakër elektorale, dhe ku kërkon përsëritjen e zgjedhjeve në 9 qarqe.
