Pas një shkëputje të gjatë nga ekrani, Adi Krasta së shpejti do të rikthehet për publikun. Moderatorin do ta shohim tek “News 24”, me një projekt që siç e ka shpjeguar dhe vetë, si bosht të tijin ka fjalën dhe aktualitetin. Pra, pa ngjyrat e show-t, dhe pa kompromise.
Projektin në fjalë e ka quajtur “A”, dhe nga sa thotë, nuk ka për tu bërë palë me ata që përqafojnë idenë se “duhet ulur niveli i programit për publikun e gjerë”. Krasta sqaroi përpos kësaj se ka ende në diskutim edhe dy projekte të tjera, njëri prej të cilëve do të ketë në qendër ‘Fake News’ (lajmet e rreme).
Ne nuk jemi mësuar që ta shohim shpesh në ndërrime televizionesh, e mesa duket, ai tashmë është i bindur për një rikthim të fuqishëm në ekranin e vogël.
