Pesë personat që përdhunuan në grup pak ditë më parë një të mitur, mësohet se janë lënë në burg. Masa “Arrest me burg” është caktuar sot për 5 autorët e dyshuar, për përdhunimin e 15-vjeçares në Mirditë.
Vendimi në fjalë është dhënë nga Gjykata e Lezhës për Artan Kaçorrin, 31 vjeç, Albert Mollën, 27 vjeç, Ermal Tarazhin, 30 vjeç, Nike Lleshi, 44 vjeç si dhe A. GJ., 17 vjeç, të cilët akuzohen për marrëdhënie intime me dhunë.
15-vjeçarja ra pre e përdhunimit nga pesë persona, të cilët e shantazhonin përmes fotove dhe videove intime në Mirditë.
Fillimisht mësohet se vajza shoqërohej me njërin prej tyre, i cili e ka detyruar të kryejë marrëdhënie seksuale me dhunë, dhe e ka filmuar me celular.
Më pas ai i ka shpërndarë pamjet tek të njohurit e tij në fshat, dhe me këto pamje 4 persona të tjerë kanë kërcënuar vajzën, duke e detyruar të kryejë marrëdhënie edhe me ta.
