Blerim Bizgjoni, i cili akuzohet për përdhunimin e një vajze 13-vjeçare në Pogradec, është dënuar me 40 ditë burg.
Masa e sigurisë u vendos sot nga Gjykata e Pogradecit. 46-vjeçari u arrestua ditën e shtunë pas denoncimit të së miturës.
Sipas policisë, Bizgjoni ka abuzuar seksualisht në mënyrë të përsëritur me 13-vjeçaren. Ai e merrte vajzën nga familja me pretendimin për t’u kujdesur për të, pasi babai i vajzës është me probleme mendore dhe familja është në kushte të vështira ekonomike.
Nga ana tjetër, 46-vjeçari nuk i ka pranuar akuzat gjatë seancës kur i është komunikuar masa.
