Kryeministri Rama ka mohuar të ketë dijeni për vizitën e Tom Doshit në Kryeministri, pak para mbledhjes së qeverisë. Ai tha prerazi se nuk ia ka idenë se kush hyn dhe kush del nga godina.
“Nuk kam asnjë dijeni për këtë se kush hyn dhe kush del në këtë godinë, nuk është fare detyra ime. Unë hyj nga diku dhe kam pjesën time të punës. Është detyra juaj të përgjoni kush hyn e kush del”, tha Rama, duke iu përgjigjur pyetjeve të gazetarëve pasi doli nga mbledhja e qeverisë.
Pak momente më parë, Doshi u pa duke hyrë në Kryeministri. Në zgjedhjet e fundit ai fitoi mandatin e deputetit, por hoqi dorë.
