Kryeministri Edi Rama ka zgjedhur takimin e sotëm me studentë në Vlorë, për t’iu përgjigjur të gjithë kritikëve lidhur me linjën ajrore “Air Albania”.
Rama hodhi poshtë zërat për falimentimin e saj, duke thënë se kjo kompani vazhdon aktivitetin dhe se deri më tani ajo ka qenë në fazën e testimeve.
“Të gjitha projektet kanë nevojë për kohë. Projektet marrin kohë të gjatë që nga projekti i financimit pastaj realizmi. “Air Albania” psh, gjithë këtë fazë, që ça nuk u tha, jo iku, jo humbi, ajo ka pasur proceduart e testimeve. “Air Albania” para se të nisë punën duhet të mbyllte procedurat legale te autorizimeve. Është përfunduar procesi i nënshkrimit të marrëveshjes financiare dhe për kohën që vjen do të merret certifikimi i kompanisë, pastaj do të merret i gjithë dokumentacioni që lidhet me fluturimet ndërkombëtare”, tha Rama.
