Që prej tronditjes së madhe të regjistruar në Shqipëri, qytetarët janë frikësuar tej mase, ndërsa orët në vijim kanë qënë në ankth të plotë. Pas lëkundjeve të para qytetarët menjëherë nxituan të merrnin batanijet e të dilnin poshtë shtëpisë. Një pjesë prej tyre, të flinin në makinat e tyre.
Kjo zgjidhje e përkohshme, sipas tyre, ishte më e sigurtë pas tronditjeve që pasuan. Fëmijë, burra, gra dhe të moshuar lanë shtëpitë e tyre, duke iu drejtuar shesheve të Tiranës, për të minimizuar pasojat.
Shërbimi Gjeologjik i SHBA-së tregon nëse Shqipëria rrezikohet nga një cunami
Sizmologu i njohur shqiptar, Rrapo Ormeni i pyetur nëse makina është një vend i sigurt për të udhëtuar gjatë momentit që ka lëkundje, Ormeni tha se në raste të tilla as makina nuk është një vend që garanton siguri.
“Makina në lëvizje nuk është vend i sigurtë, pasi krijon lëvizje relative. Gjithnjë në këto raste, makina duhet fikur dhe duhet qëndruar në një vend me sa më shumë hapësirë”, sqaroi ai, duke theksuar më tej se këto situata janë gjithnjë të papritura, dhe të gjithë duhet të përpiqen të ruajnë qetësinë para se të marrin vendimet e radhës.
