Ish-ministri i Mbrojtjes Arben Imami ka komentuar vendimin e Departamentin amerikan të Shtetit, për të shpallur ”non grata’’ ish-kryeministrin Sali Berisha dhe familjen e tij.
I ftuar në emisionin ”Frontline” në ”News 24”, Imami u shpreh se sipas tij, deklarata e Sekretarit amerikan të Shtetit Antony Blinken, nuk nënkupton se Berisha është i përfshirë në korrupsion, por se vendimet e tij kanë sjellë pasoja.
I pyetur nëse Berisha është apo jo i korrptuar, Imami tha se asnjë njeri nuk është i korrptuar nëse për të nuk janë paraqitur prova.
Ndër të tjera, Imami tha se pavarësisht vendimit për Berishën, ai mbetet lideri historik i së djathtës, ndërsa SHBA-ja është vendi me të cilat janë të lidhura interesat e Shqipërisë.
Arben Imami: ”Do doja mos komentoja sepse deklarata është konçize dhe ata që duhet ta komentojnë janë ata që e kanë shkruar. Flitet për aleatë, por nuk di cilët aleatë, nuk di konkretisht. Dy gjëra të ndryshe. Me çfarë kam vënë re nuk është akuzuar për korrupsion si person. Të paktën kështu e kam kuptuar, flitet për vendime që kanë sjellë pasoja. Kjo është çështja që duhet shpjeguar, persona që kanë penguar apo janë penguar.
Në një vend asnjëri nuk është i korruptuar po nuk u provua. Pyetja është e padrejtë. Sa i përket deklaratës, do të shohim si do të vijojë. Berisha e ka marrë përsipër. Çfarëdo që bëjmë ne, nuk është informacion, sqarim për situatën.
Mendimi im është shumë i qartë. SHBA janë vendi me të cilin interesat tona janë të lidhura pazgjidhshmërisht. Arsyet për deklaratën janë arsye të tyre. Sali Berisha është Berisha fjalë për fjalë, lider historik, ka dhënë kontribute të njohura ndërkombëtarisht, ga vendosja e marrëdhënieve diplomatike. Asnjëra palë s’ka nevojë për avokat. Nuk është në stilin tim për të komentuar.”
