Analisti Arjan Vasjari ka komentuar situatën politike në Kosovë, duke u shprehur se dorëheqja e Thaçit në këtë moment do të ishte gjest i madh politik dhe moral.
I ftuar në emisionin “Real Story”, Vasjari tha se në këtë çështje ka dy palë, njëra që duhet të kërkojë falje që është pala serbe dhe tjetra ajo që e pranon faljen, që është pala kosovare.
Sipas analistit, nëse kjo gjë arrihet mund të çojë në nënshkrimin e një akti të madh paqeje.
“Do të ishte një gjest i madh politik dhe moral nëse ai do jepte dorëheqjen. Ne jemi dënuar si komb që të bashkëjetojmë, në një rajon kaq të vogël, dhe nuk bëjmë dot pa njëri- tjetrin. Në marrëdhënien mes dy shteteve, Serbisë e Kosovës, mbase do të shkruhet një akt i madh historik paqeje. Ata që duhet të kalojnë faljen, është njëra palë, janë serbët, pala tjetër e pranon. Këtu është rezerva ime pse kjo zhvendosje nga ky bosht”, tha ai.
