Në një bashkëbisedim me gazetarët, Fleckenstein dhe Soreca kanë komentuar akuzat që janë bërë nga opozita ndaj kryetarit të Bashkisë së Durrësit, Vangjush Dako.
Raportuesi për Shqipërinë në PE, Fleckenstein tha se nuk është gjyqtar dhe se nuk mund të japë një mendim, nëse Dako duhet të arrestohet apo jo.
Të njëjtën përgjigje dha edhe ambasadori i BE-së në Tiranë, Luigi Soreca, ndërsa që të dy theksuan se Prokuroria duhet të bëjë punën e saj dhe të marrë vendimin e duhur.
“Ju i dini gjërat edhe më mirë se unë se jeni këtu. I kam dëgjuar këto akuza, unë nuk jam gjyqtar në fund të fundit. Duhet të lejohet prokuroria të bëj punën e vet. Nuk mund të them unë kush ka të drejtë e jo”, tha Fleckenstein.
Ambasadori Soreca:
Nuk kam shumë për të shtuar për zotin Lleshi, komuniteti ndërkombëtar e vlerëson. Lleshi është zyrtar i lartë, gëzon reputacion shumë të mirë. Për Dakon, unë nuk jam prokuror. Kemi përgjegjësi të tjera, por jo për Dakon. Kemi besim se zyra e Prokurorisë do të bëjë punën që duhet të bëjë.
