Pak ditë më parë, në mbledhjen e Komisionit të Sigurisë, Drejtori i Përgjithshëm i Policisë së Shtetit, Ardi Veliu u pyet për dhunën e ushtruar nga 4 efektivë policie mbi një minoren. Ai publikoi një video të nënës së tij, Zaida Çobos, e cila shfaqej me një armë në dorë. Por ai doli blof, pasi pamjet ishin xhiruar gjatë një filmi. Në kohën kur opozita dhe opinioni publik e ka kritikuar gjestin nga ana e tij, kryeministri Edi Rama ka marrë në mbrojtje Ardi Veliun. Rama tha se ka një konsideratë të veçantë për Veliun, që siç tha ai, është drejtuesi më me integritet në vend.
“Së pari më lejoni të sqaroj që sigurisht Drejtori i Policisë për të cilin kam konsideratë për profesionalizmin, rezultatet dhe integritetin, në këtë rast ka gabuar. Pa diskutim, e them pa asnjë rezervë. Po jam më i prirur t’i besoj ndjesës së tij publike, sesa të gjithë moralistëve të mexhelisit të këtij vendi. E thënë ashtu siç e tha ai, duket keq, por gjërat duhen thënë nga fillimi në fund, jo në mes të fjalisë. Unë e njoh atë, njoh edhe moralistët. Integritetin e Ardi Veliut se ka vënë askush në diskutim”, përfundoi Rama.
