Bashkimi Evropian ka vendosur se duke filluar nga tetori i këtij viti, nuk do të ketë më ndryshim të orës.
Lajmin e bëri të ditur komisionerja evropiane për Transportin, Violeta Bulc, e cila deklaroi se kjo metodë nuk do të përdoret më në gjithë kontinentin. Praktika e ndërrimit të orës u përdor si një mjet për të ruajtur energjinë gjatë Luftërave Botërore, si dhe krizat e naftës të viteve 1970, duke u bërë ligj në të gjithë bllokun në 1996.
Sipas këtij vendimi, të gjitha vendet anëtare të BE-së kanë afat deri në prill të vitit tjetër për të vendosur nëse do të qëndrojnë përgjithmonë në zonën e kohës verore, apo në zonën e dimrit. Në Evropë, siç dihet, shtetet i ndryshojnë skemat e tyre 60 minuta para të dielës së fundit të marsit, ndërsa në tetor ata i kthejnë akrepat 60 minuta pas.
