Nënkryetari i LSI-së, Petrit Vasili, teksa ishte i ftuar në “News42”, u pyet nëse do të ketë një tryezë dialogu me kryeministrin Edi Rama. Vasili u shpreh se dialogu ka formacione mazhorancë-opozitë, dhe nuk ulen me një njeri të vetëm në tryezë.
Po ashtu, përsëriti edhe njëherë se problem për daljen nga kriza është kryeministri Rama.
“Përballë në dialog janë mazhoranca dhe opozita, këto janë formatet që dialogojnë, nuk dialogojnë opozita me qeverinë. Nuk ulet opozita me një njeri, por mazhoranca me opozitën ulen përballë. Që të dalim nga kriza problemi është Edi Rama. Dialogu ka formacione, mazhorancë-opozitë. Nuk flet opozita me qeverinë”, deklaroi Vasili.
