Grida Duma njoftoi lënien e mandatit të deputetes së PD-së. Ajo tha se ky është vendimi i duhur, teksa shpjegoi dhe arsyet e marrjes së këtij vendimi. Duma tha se nuk do ja falë kurrë atyre që me fjalët kundrejt saj, i kanë goditur shpirtërisht të birin.
Mandati i Grida Dumës i kalon Oriela Nebijaj, pasi në zgjedhjet e 2021 ka siguruar 5599 vota preferenciale. Ende nuk dihet nëse ajo do ta pranojë mandatin, pasi gjithashtu është e angazhuar në botën e televizionit.
Astrologu Jorgo Pulla tha se është mirë që Ori Nebijaj të mos i futet politikës. Në një intervistë për “Euronews Albania”, Pulla tha se Nebijaj mund të bënte diçka më të mirë, por megjithatë edhe nëse do i futej politikës do të shkëlqente.
“Do ishte mirë që Ori të mos i futej politikës, mund të bënte diçka më të mirë akoma. Nebijaj është ekonomiste e shkëlqyer. Edhe po ti futet politikës do të shkëlqejë”, tha ai.
