Me nisjen e fushatës së vaksinimit në Britani këtë javë, bota tashmë ka filluar shpresën se tashmë ka një zhgjidhje për Covid-19, për më shumë se një vit.
Por, një vaksinë nuk do të zbusë ndikimin e pandemisë në jetën tonë pasi do na duhet shumë kohë që bota të furnizohet me të. Me aprovimin e saj pritet mbyllja e epokës së pandemisë, ku ndër problemet më të mëdha që solli është ndalimi i udhëtimeve.
E gjithë bota shpreson se programet e vaksinimit masiv do ti zbusin këto kufizime, por pyetja është nëse vaksinimi të lejon liri në udhëtime.
Sipas ekspertëve të pyetur nga Euronews, pasaportat e shëndetit mund të kontribuojnë në menaxhimin afatgjatë të pandemisë COVID-19.
“Pasaportat e imunitetit” janë diskutuar më herët, pasi shiheshin si e vetmja zgjidhje për të udhëtuar lirshëm nëpër vendet e jashtë kufijve, pasi shumë vende e kanë të detyruar kryerjen e testeve para se të hyni në kufirin e tyre. Kështu, me vaksinimin dhe fitimin e imunitetit, duhet një “provë” se tashmë jeni të sigurtë për të udhëtuar.
Sidoqoftë, vlefshmëria e këtyre të “pasaportave dixhitale të shëndetit” ose “pasaportat e vaksinave” siç po bëhen të njohura, janë paksa konfuze. Vetë Organizata Botërore e Shëndetësisë ka hasur kundërshtime me rekomandimet lidhur me këto pasaporta.
“Ne nuk rekomandojmë pasaporta të imunitetit dhe as nuk rekomandojmë testimin si një mjet për të parandaluar transmetimin përtej kufijve”, deklaroi OBSH në një konferencë shtypi në Kopenhagë më 4 dhjetor.
