Ish-ministri i Brendshëm, Saimir Tahiri, ka qenë kryefjala e ditëve të fundit, ne çdo media. Pas 2 vitesh nën hetim, gjykata vendosi të japë masën me 3.4 vite shërbim prove ndaj tij, vendim i cili solli shumë kritika të ashpra .
Në konferencën e sotme për shtyp, Tahiri iu përgjigj shumë pyetjeve nga gazetarët, ndër to edhe nëse do kishte 1 rikthim të mundshëm në Partinë Socialiste.
“Unë them që më shumë se lista e emrave, duhet t’ju shqetësojë fenomeni. Me emrat e di si zgjidhet, fenomeni është ai që më shqetëson më shumë. Sa për rikthimin tim në politikë ose jo, s’di pse e keqkuptoni në qeveri ose qeverisje s’do të thotë të kesh një karrige që të kthehesh me një kontribut. S’e kam menduar këtë çështje tani. Do i shkoj deri në fund të vërtetës time. Se çdo bëj me karrierën time se ka në dorë as partia as çdo individ brenda saj. Më lini t’i shkoj deri në fund të vërtetës time. Po të jeni të bindur se ka askush në dorë përveç meje.
Kurioziteti im është t’i shkoj kësaj rruge deri në fund. Më keni trembur sa herë më pyesni edhe më fyeni a do bëhesh kurban. Ka pasur në politikë njerëz që janë kurban se s’janë të lirë të mendojnë. Ata janë kurbani jo unë. Kam njohur burra që kanë bërë burg dhe kanë qenë të lirë. Se s’ka të bëjë sesa i lirë je, kur s’je i lirë në mendje. Nga një katalog njerëzish, ata janë kurbani. Unë jo. Ju lutem shuajeni kuriozitetin tuaj për të ardhmen time në politikë. S’është kjo çështja. S’më duhet kjo. Kam dy vjet që hesht për drejtësinë. Më intereson drejtësia dhe t’ju bind edhe ju që po e përballoj i vetëm përballë të gjithëve”, u shpreh Tahiri.
