Kryetari i Partisë Demokratike, Lulzim Basha, u pyet sot në bashkëbisedimin me gazetarët nëse do t’i kërkonte Presidentit Ilir Meta shpërndarjen e Parlamentit.
Basha tha se mirëpret çdo nismë që shkurton ditët e së keqes dhe sa më shpejt kjo të ndodhë aq më mirë është për qytetarët e vendit.
Lulzim Basha: “Shqetësimi im kryesor do të jetë ai i shqiptarëve dhe në veprim të kësaj s’do të kursejë asnjë thirrje të nevojshme. Po të ishin mbajtur zgjedhjet rruga e keqe do ishte shkurutar. Sa më shpejt aq më mirë si për të gjithë. Detyrat janë të përcaktuara dhe unë si kryetar i opozitës do ta bëj deri në fund. E mirëpres dhe përshëndes çdo hap që ia shkurton ditët së keqes”.
Teza për shpërndarjen e Parlamentit u artikulua para pak ditësh nga një ndër eksponentët e rëndësishëm të Opozitës së Bashkuar, Fatmir Mediu.
