Basha ka zbuluar nëse opozita do të rrëzojë Ramën në një revoltë popullore. Në një bashkëbisedim me gazetarët, ai tha se roli i opozitës nuk është thjeshtë te denoncojë, por edhe të paralajmërojë shqiptarët për situatën ku ndodhen.
Ndër të tjera, kreu i PD-së tha se jemi në gjendjen e një grushti shteti. Ndodhur në këto kushte, sipas tij, opozita e ka për detyrë për ti mësuar shqiptarët rrugëdaljet nga rruga e krimit.
“Roli ynë si opozitë nuk është thjeshtë të denoncojmë. Jemi në gjendjen e një grushti shteti, për të mbuluar veprimtarinë kriminale. Duhet t’i mësojmë shqiptarët rrugëdaljet nga rruga e krimit.
Kjo rrugëdalje u takon të gjithë shqiptarëve. Fund të fundit po bëjmë me një grup njerëzish, që po vuajnë varfërinë, arrogancën. Qëllimi nuk është vetëm largimi, por rikthimin në një shoqëri normale. Në një drejtësi që bën punën e saj e pacënuar, apo e kërcënuar nga kriminelët”, tha Basha.
