Blutë e Vlorës ka arrestuar autorin e dyshuar të plagosjes së Xhevdet dhe Albion Braushi (babë e bir). “Shërbimet e policisë, pas afro një orë kërkimesh kanë lokalizuar, kapur dhe prangosur, në lagjen “8 Nëntori”, autorin e dyshuar shtetasin R. K., 27 vjeç, banues në Tiranë”, thuhet në njoftimin e bluve.
Ky shtetas pas një konflikti të çastit për motive të dobëta, ka plagosur me mjet prerës (thikë), vjehrrin dhe kunatin e tij, shtetasit Xhevdet dhe Albion Braushi, 61 dhe 30 vjeç të cilët ndodhen në spital, nën kujdesin e mjekëve.
Në pranga ka rënë 27 vjeçari Rildi Kocja, i cili pas një konflikti me motive të dobëta ka sulmuar me thikë vjehrrin dhe kunatin e tij, duke i plagosur të dy.
Vetëm pas një ore kërkimesh nga policia, është bërë i mundur arrestimi i 27 vjeçarit. Gjendja e 61 vjeçarit, Xhevdet Braushi paraqitet e stabilizuar ndërsa djali i tij, Albion Braushi mësohet të jetë në gjendje kritike për jetën.
Banorët e zonës, deklaruan se i kishin gjetur babë e bir në trotuar dhe më pas i kishin dërguar në spital, duke theksuar se 30 vjeçari, kishte 10 plagë të shkaktuara nga goditja me thikë në trup. Në vendngjarje, në cilësinë e provës materiale, shërbimet e policisë gjetën dhe sekuestruan 2 mjete prerëse thika.
