Kreu i PD-së Sali Berisha deklaroi sot se protesta e 6 dhjetorit do jetë madhështore, dhe se nuk do e lëshojnë bulevardin. Ish-kryeministri Berisha është shprehur se protesta e opozitës më 6 dhjetor, ditën kur në Shqipëri, mblidhet Samiti i BE, do jetë madhështore. Ai theksoi se liderët europianë që do të jenë në Tiranë më 6 dhjetor për samitin BE-Ballkani Perëndimor, e dinë se nga vota buron e drejta.
“Protesta e 6 dhjetorit do jetë madhështore. Liderët europiane nuk janë si Edi Rama, por të zgjedhur me votën e qytetarëve të tyre.
Ata e dinë se nga vota e tyre buron e drejta. Gjithçka është në dorën e protestuesve dhe organizatorëve. Ata do vendosin. Ne bulevardin nuk e lëshojmë”, deklaroi Berisha.
