Kryeministri Edi Rama ka shprehur entuziasmin e tij sa i takon rritjes së turizmit. Me anë të një postimi në Facebook, ai shprehet se Shqipëria është e para për rritjen e turizmit, krahasuar me vitin 2019, kur filloi pandemia e COVID-19. Ai ka shpërndarë një grafik që tregon se Shqipëria ka pasur rritje pozitive me 18%, ndërsa ka lënë pas shumë destinacione të preferuara.
“Shqipëria radhitet e para nga Organizata Botërore e Turizmit (UNWTO) si destinacioni me performancën më të mirë në rritje të flukseve turistike krahasuar me vitin 2019”, shkruan Rama.
