Një tërmet me magnitudë 6 ballë goditi Turqinë veriperëndimore gjatë orëve të para të së mërkurës, duke plagosur të paktën 46 persona, sipas mediave turke. Lëkundjet e cekëta goditën rreth 170 kilometra (105 milje) në lindje të Stambollit, qyteti më i madh i vendit.
Autoritetet kombëtare thanë se tërmeti ishte me magnitudë 6 ballë, më e ulët se 6.1 e dhënë nga Shërbimi Gjeologjik i SHBA – dhe epiqendra e tij ishte në rrethin Gölyaka të provincës Düzce, megjithëse tronditi edhe qytete të tjera aty pranë. “Ne u zgjuam me një zhurmë dhe dridhje të madhe”, tha për AFP banorja e Düzce, Fatma Çolak.
“Ne dolëm nga shtëpitë tona në panik dhe tani po presim jashtë”. Ministri i Shëndetësisë, Fahrettin Koca shkroi në Twitter se 35 persona u plagosën, përfshirë 32 në Düzce, një në Stamboll dhe dy të tjerët në provincat e afërta Bolu dhe Zonguldak. Më vonë u raportua se numri i të plagosurve ka shkruar në 46.
Ministri i Brendshëm, Süleyman Soylu, i cili vizitoi Gölyaka, tha se një person u plagos rëndë pasi u hodh nga ballkoni nga paniku. Ai tha se ishin regjistruar 70 pasgoditje.
Imazhet fillestare treguan njerëz të mbuluar me batanije jashtë shtëpive të tyre gjatë mëngjesit. Disa u panë duke vendosur batanije në dysheme jashtë, dhe duke ndezur zjarr për ngrohtësi.
Autoritetet thanë se shkollat do të mbyllen të mërkurën në provincat Düzce dhe Sakarya. Soylu tha se, përveç disa hambarëve të rrënuar, nuk kishte raportime për dëme të mëdha apo shembje ndërtesash, por inspektimet po vazhdonin.
Agjencia Kombëtare e Fatkeqësive AFAD tha se kishte ndërprerje të kontrolluara në rajonin e Düzce, duke u bërë thirrje banorëve të mos bëjnë panik. Turqia është në një nga zonat më aktive të tërmeteve në botë.
Düzce ishte një nga rajonet e goditur nga një tërmet 7.4 ballë në vitin 1999 – më i keqi që goditi Turqinë në dekada. Ai tërmet vrau më shumë se 17.000 njerëz, duke përfshirë rreth 1.000 në Stamboll.
Burimi i lajmit: turkishminute. Përshtatur nga Tirana Today
