Një foshnjë e porsalindur ka mbijetuar për mrekulli, ndersa ishte brënda një çante shpine. Foshnja ishte hedhur nga një urë në lumë.
Dëshmitarët i thanë Policisë Ushtarake se panë një burrë që hodhi një çantë shpine në lumin Capibaribe në Sao Lourenco da Mata, Brazil, mëngjesin e 17 nëntorit.
Dy peshkatarë nën urë shpëtuan foshnjën, pasi panë çantën të përplasej në lumë dhe dëgjuan të qarat e saj.
Një nga peshkatarët, Pedro, tha se shoku i tij ‘kapi bastunin, mori çantën dhe ma dha mua. Kur e hapa, ishte një fëmijë. Unë qava”.
Dy burrat thirrën menjëherë Policinë Ushtarake, e cila e dërgoi foshnjën në një maternitet aty pranë. Foshnja thuhet se kishte lindur vetëm disa orë më parë dhe kordoni i kërthizës ishte prerë “në mënyrë joprofesionale”.
Zyrtarët shëndetësorë thanë se gjendja e vajzës është e qëndrueshme, dhe ajo vazhdon të jetë nën vëzhgim në spital. Aborti është i paligjshëm në Brazil, me dënime nga një deri në tre vjet burg, me disa përjashtime.
Ndërsa legjislacioni ka hyrë për ta bërë më të lehtë procesin e dhënies së fëmijëve për birësim, mbeten barriera për prindërit e rinj.
Burimi i lajmit: dailymail. Përshtatur nga Tirana Today
