Në një prononcim për gazetarët jashtë ambienteve të Parlamentit, ish-kryeministri Sali Berisha ka deklaruar se protesta e 12 nëntorit do të jetë më e madhja që ka njohur ndonjëherë vendi. Kreu i PD-së theksoi se qytetarët do të shprehin mllefet dhe urrejtjet që kanë ndaj qeverisë. I pyetur nëse në skenarin e protestës do të jetë edhe mundësia e futjes së qytetarëve në Kryeministri, Berisha u shpreh se ajo do të jetë protesta më e madhe e parë ndonjëherë.
“Fjalën më të fuqishme e kanë qytetarët në datën 12 nëntor, që do të jetë revolta popullore e shqiptare kundër këtij regjimi që nuk ndalet së vjedhuri ata.
Skenari është protesta më e madhe që ka parë vendi ndonjëherë, qytetarët do të shprehin mllefet dhe urrejtjet e tyre ndaj një regjimi që ja ka bërë vendin në të pajtueshëm. Ja ka tjetërsuar flamur, atdhe dhe çdo gjë”, theksoi Berisha.
