39-vjeçari Briken Sanaj, i cili u ekzekutua mbrëmjen e së dielës në Tiranë, kishte qenë në një dasmë në Lezhë. Autorët dyshohet ta kenë ndjekur viktimën deri në zonën e “Kodrës së Diellit”, aty ku zbrazën breshëri kallashnikovi. Ngjarja e rëndë është regjistruar nga kamerat e sigurisë në zonë, e ndërsa dyshohet se në vrasje kanë marë pjesë dy persona.
39-vjeçari jetonte prej një viti te rezidenca e “Kodrës së Diellit” në Tiranë. Briken Sanaj njihej nga rojet e rezidencës me identitetin Anton Gjini, por në dokumentet zyrtare emri i tij është Briken Sanaj. 39-vjeçari sapo kishte parkuar makinën në garazh para se të ekzekutohej. I ndjeri është takuar me tre shokë të tij, dhe në atë moment është qëlluar me kallashnikov nga një distancë e afërt.
Makina e autorëve gjendet e djegur
Makina e autorëve është gjetur e djegur në Kashar. Brenda automjetit mësohet se është gjetur një armë kallashnikov. Ndërsa sa i përket targave, ato rezultojnë të vjedhura në Tiranë pak ditë më parë.
Viktima, pa precedentë penalë
Viktima ka marrë tre plumba në trup, duke i shkaktuar vdekjen e menjëhershme. Briken Sanaj nuk rezulton person me precedentë penalë, ndërsa në 2012-n vëllai i tij ka plagosur një person në Lezhë.
