Deputeti socialist Erion Braçe ka shprehur pakënaqësinë e tij në Kuvend, në lidhje me rrogën ndaj zjarrfikësve. Për të, kjo kategori meriton më shumë, për shkak të punës së vështirë që hasen çdo ditë. Ai tha se qeveria duhet ta kuptojë se ata nuk punojnë në zyra, dhe se nuk mund të trajtohen njësoj si ata. Për këtë arsye, meritojnë një rritje page në përputhje me rrezikun e punës që bëjnë.
“Gjithë bota ka problem prodhimin, ne kemi problem shitjen. Nëse do e bëjmë vaj ullirin si do e shesim. Problemi më i madh që merren me këtë kulturë është sistemi fiskal.
E ka dërrmuar grumbullimin dhe përpunimin. E ka bërë copash përpunimin e drejtë dhe të ndershëm. Kjo është një çështje që duhet diskutuar tani. Njëherë të vetme të mendojmë për këtë gjë. Për dëmin që i ka sjellë kjo skemë bujqësisë.
Bujqësia është zhvendosur te tokat me qira. Qiradhënësi që ju e kërkoni këtu që të firmosë këtu dhe të paraqitet vetë me kartën e identitetit është në emigrim. U bënë muaj që e them këtë gjë.
Thoni që e ka Erioni inatin me këtë, apo atë, por duhet bërë tani. Nafta duhet të shkojë deri në fund tani. Në Lushnje janë shumë familje që nuk e kanë marrë ende naftën. Ne kemi mbështetur prodhimin më të madh bujqësor të vendit. Njerëzit sot duhet të jenë me plugë në fusha.
Është e mirëpritur çdo rritje pagash. Por unë vazhdoj të insistoj te zjarrfikësit. Qeveria duhet ta kuptojë njëherë e mirë që ata nuk punojnë në zyra. Nuk mund të trajtohen njësoj si ata.
Meritojnë një rritje page në përputhje me rrezikun e tmerrshëm të punës që bëjnë. Puna e tyre është akoma më e rrezikshme në përballje me fatkeqësitë natyrore. Tani është koha që këto kategori të marrin atë që meritojnë në raport me punën e vështirë që bëjnë”, deklaroi ai.
