Gjykata e Apelit në Durrës ka liruar Ismail Morinën, i njohur si Ballist Morina. Trupi gjykues vendosi lirimin e plotë për Ismail Morinën, i cili kishte lënë qelinë pak muaj më parë, por ishte në hetim në gjendje të lirë. Ai u arrestua disa muaj më parë nga policia e Kukësit, teksa po udhëtonte nga Kosova drejt vendit tonë, pasi nuk kishte shlyer 5 muaj burg për “armëmbajtje pa leje”.
Ka qenë gjyqtarja e Apelit, Anita Mici, e cila vendosi lirimin e plotë për Ismail Morinën. Akuza që rëndonte ndaj Morinës ishte ajo e “armëbajtjes pa leje”, për të cilën ai është arrestuar në Durrës në vitin 2015 dhe është hetuar pas tre muaj në gjendje të lirë.
“Vendim revokimi për vendimin penal në mungesë. Procedurat e mëtejshme duhet t’i bëjë Gjykata e Apelit në Durrës, e cila është gjykatë kompetente për të shqyrtuar çështjen e Gjykatës së Shkallës së Parë Durrës.
U pranua kërkesa e tij për lirim. Do të jetë i lirshëm sepse hetimi për të ka mbaruar tashmë. Ai ka një vendim dënimi dhe i mbeten pa vuajtur 5 muaj e 12 ditë, të cilin do ta konvertojë me shërbimin e provës”, deklaroi muaj më parë avokati Gramoz Lika.
