Gjatë Kongresit të Arsimit, kryeministri Rama teksa ka shprehur respektin ndaj mësuesve, ka premtuar rritjen e pagave. Kreu i qeverisë i ka cilësuar si një pasuri, vlera e së cilës është shumë herë më e madhe sesa sot shoqëria arrin ta çmojë. Duke u ndalur tek premtimet për rritjen e pagave, Rama tha se puna e tyre duhet që të jetë e vlerësuar.
“Shpreh të gjithë respektin mësueseve të gjithë Shqipërisë, sepse janë realisht një pasuri, vlera e së cilës është shumë herë më e madhe se sa sot shoqëria arrin ta çmojë dhe natyrisht shumë herë më e madhe sesa ne si qeveri arrijmë ta vlerësojmë.
Megjithëtë ne i kemi rritur dhe do vazhdojmë t’i rrisim pagat me objektivin që mësueset në radhë të parë pastaj mësuesit të jenë gjithmon dhe më të lehtësuar, dhe që puna e tyre që është shumë e tepërt se sa orët që kalojnë në shkollë të jetë gjithmonë dhe më e vlerësuar”, është shprehur Rama.
